قصيده ل الشاعر معجل مهل الفريدي
يقول فيها
ياليل ياوجه الشقى ويـن الأقـلام
نبي على ماقيـل نكتـب قصيـده
الصدر ضايـق والمخاليـق نيـام
والعين لـذ النـوم عيـت تريـده
أنا دخيلك لا غدت عـوج الأيـام
وصارت ظروف الوقت دايم عنيده
تاقف مع اللي حظه الشين ماقـام
حظه تعثر فـي مواقـف عديـده
حتى الهوى ضده على مر الأعوام
دايم همومه وسـط قلبـه وقيـده
واعزتي للي مشى درب الأوهـام
يمشي ويتعـب والحقايـق بعيـده
ياليل ليت اللي هجرني من العـام
يجدد الصفحـه بصفحـه جديـده
والا عسى درب مشى فيه قـدام
ياقف على وجهـه ويمـي يعيـده
يقولها اللي من شقى الوقت مانام
عينه تريد النوم عجـزت تصيـده
الشاعر: معجل بن مهل أبو زوايد الفريدي
منقوول
الإثنين يونيو 20, 2011 2:31 am من طرف فيصلي
اليومية
موضوع: قصيده للشاعر الكبير معجل الفريدي 